30 Mars, 2022

Zoom-i dhe ankthi!

nga Anila Bashllari

anila-bashllari

6 mënyrat se si të pakësojmë ankthin dhe stresin gjatë takimeve në Zoom

Me komunikimin online jam njohur herët, gjatë kohës kur punoja me institucionet ndërkombëtare ku bëheshin konferenca online/mbledhje nëpërmjet telefonit. Vendosej një pajisje në formë ylli në mes të tavolinës dhe ndiqnim të gjithë. Ishte një mënyrë shumë efikase duke pasur parasysh shtrirjen e këtyre organizatave në të gjithë botën.

Më pas, prej vitit 2012 komunikimi hybrid – online dhe offline u bënë pjesë integrale e edukimit tim në fushën e zhvillimit personal dhe profesional duke filluar me programin 1 vjeçar të çertifikimit nga Quantum Success Coaching Academy, më pas çertifikimi nga John Maxwell International Team kryesisht nëpërmjet platformës skype por në versionin audio.

Pothuajse të gjitha programet e tjera janë ndjekur në formën hibride dhe për mua kanë funksionuar shumë mirë, duke pasur parasysh dhe natyrën time që jam e vetë organizuar.

Por u gëzova shumë në vitin 2017 në programin e çertifikimit si Neurocoach në Universitetin e Loyola Kaliforni kur për herë të parë u njoha me platformën Zoom.

Më pëlqente shumë pasi ndërveprimi ishte në një nivel tjetër, duke qenë se në video ti shikon personin/at e tjerë dhe përveç zërit ndjek edhe gjuhën trupore.

Natyrisht si një gjë e re ishte shumë interesante duke pasur parasysh që klasat dhe praktikën e bënim në Zoom.

No alt text provided for this image

Por viti 2020 më kaloi pothuajse online, sikurse të gjithë të tjerët kur platforma Zoom pati rritjen më të madhe të përdoruesve, duke përfshirë sistemin arsimor, mbledhjet, webinaret, samitet, trainimet intensive etj, konferencat etj. Gjatë bisedave me miq apo klientë më shpreheshin se kishin vështirësi të qëndronin me orë të gjata përballë ekranit të kompjuterit, ndiheshin të lodhur dhe në përgjithësi vihej re një ulje e produktivitetit.

Si gjithçka që mbart të mirën dhe të keqen brenda saj, fillova të hulumtoj mbi efektin e zoom në mirëqenien mentale dhe u njoha me studimin më të fundit, Prill 2020 ku flitej për fenomenin “Lodhje nga zoom” dhe besoj secili prej nesh e ka ndjerë këtë efekt.

Studimi u organizua nga Universitetiti i Gothenburg dhe Stanford me rreth 10,591 pjesëmarrës dhe u konstatua lodhja që krijohet si pasojë e qëndrimit gjatë në zoom për shkak të ndikimit të 5 elementeve joverbale dhe ndikimi i tyre në trurin tonë. U vu re një lodhje e përgjithshme, por specifikisht më shumë tek femrat sesa meshkujt.

No alt text provided for this image

Këto 5 elemente/mekanizma jo verbal që u analizuan në studim janë:

  1. Ankthi i pasqyrës, u cilësua ankthi i përjetuar gjatë kohës së qëndrimit përpara ekranit. Duke qenë online dhe parë veten në ekran, stimulohet fenomeni i ngjashëm me ankthin e pasqyrës pasi gjatë gjithë kohës shikojmë veten. Studime të ndryshme kanë treguar që vëmendja tek vetja lidhet me rritje të ankthit dhe gjendjeve depresive dhe kjo është më e theksuar tek femrat sesa meshkujt.
  2. Ndjesia e “gozhdimit”: Është fakt dhe e kemi ndjerë të gjithë që mobiliteti gjatë takimeve në zoom është shumë më i limituar se sa kur jemi në takime me të tjerët apo seminare dhe konferenca. Gjatë takimit në zoom ndihemi si të “gozhduar” dhe ajo çfarë shikojmë është vetëm pjesa e sipërme e trupit duke humbur kontaktin me levizjet e trupit, duarve dhe këmbëve të cilat na japin informacione të rëndësishme kur komunikojmë me të tjerët.
  3. Vështrime nga të gjithë anët: gjatë takimeve fizike ne përdorim të gjithë arsenalin e komunikimit: fjalët, sytë, gjuha trupore dhe xhesturat. Ndërsa kur jemi në zoom komunikimi limitohet tek sytë dhe kjo krijon një “presion” të pa shpjeguar duke na krijuar në mënyrë të pavetëdijshme ankth.
  4. Ngarkesa konjitive për të interpretuar informacionet jo verbale të të tjerëve dhe për t’i krijuar ato kur ne flasim: kjo ngarkesë ndihet reciprokisht si nga folësit dhe dëgjuesit pasi krijon një limitim njerëzor komunikimi.
  5. Natyrisht, gjetja e komunikimit nëpërmjet këtyre platformave ishte zgjidhja e vetme për vazhdimësinë në të gjitha aspektet e jetës, por si gjithçka edhe këto platforma mbartin limitet e tyre dhe është detyra jonë të minimizojmë efektet negative të tyre.

Çfarë duhet të bëjmë konkretisht, edhe gjatë periudhës në vijim duke qenë se kjo formë hibride e komunikimit do të vazhdojë edhe më pas?

Më poshtë po ndaj 6 mënyra se si të pakësojmë stresin gjatë takimeve në zoom:

  1. Nëse ju krijohet ankth nga efekti i kamerës atëherë keni mundësi të klikoni tek ikona e videos duke u “fshehur”, ndërkohë që të tjerët ju shohin. Unë në mënyrë instiktive e kam bërë vazhdimisht☺
No alt text provided for this image

2. Mund të qëndroni në distancë nga kompjuteri dhe në këtë mënyrë nuk do të keni mundësi të fokusoheni gjatë gjithë kohës tek vetja pasi do të jetë një pamje e zvogëluar.

3. Bëni ndërprerje të shkurtra të cilat ndihmojnë rifreskimin e trurit dhe vetes tuaj.

4. Lëvizni për disa minuta; bëni streçime me lëvizje të ngadalësuara si dhe hapje të gojës, si ju vjen para gjumit. Hapja e gojës njihet si një nga mënyrat më të shpejta për të relaksuar trurin – njihet si termorregullator i temperaturës dhe trupi bën vetë-rregullimin.

5. Përdorni frymëmarrjen: shumica e njerëzve nuk dinë se si të marrin frymë në mënyrë të vetëdijshme. Bëni disa frymëmarrje duke vëzhguar mënyrën se si ndiheni. Kjo jo vetëm do ju shplodhe por edhe rifreskojë për të vazhduar më tej.

6. Kaloni herë pas here nga opsioni “Speaker” në opsionin “Gallery” dhe anasjelltas.

Mund të thoni që janë gjëra të thjeshta dhe ne i dimë. Pikërisht, vështirësia e zbatimit qëndron kur mendojmë që janë të thjeshta!

“Ka një dallim shumë të madh midis asaj që dimë dhe asaj që zbatojmë. Diçka që e dimë dhe nuk e zbatojmë nuk e dimë, se po ta dinim do ta kishim zbatuar! Ndryshimi nuk vjen nga ajo që dimë, por veprimi që marrim!”

potensidesa.id:

Thanks for sharing your thoughts. I really appreciate your efforts and I am waiting for your next write ups thank you once again. Here is my web page - potensidesa.id

There Is Hurricane In The Saint Vincent And The Grenadines?:

Very quickly this web site will be famous among all blogging and site-building users, due to it's nice articles

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *