“Muaji Nëntor kurorëzoi punën disa vjeçare, pasionin, përkushtimin dhe profesionalizmin e lartë  për mikeshën dhe klienten time Znj. Vasilika Selaj, përfaqësuese ekskluzive e linjës revolucionare të kujdesit për lëkurën, Swiss Line International.

Salloni Swissline_Spa Albania organizoi një festë mbresëlënëse për inagurimin e ambienteve të reja të qendrës, frymëzuar nga alpet Zvicerane, punën kërkimore dhe standartet më të larta të kujdesit për lëkurën.

Gjatë përshëndetjes që bëri për të ftuarit, znj. Vasilika ndau me ta eksperiencën e saj në fushën e zhvillimit personal dhe profesional duke konsideruar pjesë të suksesit të saj  punën së bashku në coaching dhe mentoring.

“Pjesë e suksesit të Swiss Line Albania është edhe coach dhe mentorja ime Anila Bashllari, e cila ka ndikuar në zhvillimin  personal dhe një performancë të lartë në biznesin tim.”