5 pyetje që mund t’ja bëni vetes kur të ndiheni të frikësuar

Frika ekziston vetëm në mendimet tuaja. Ajo vjen si rezultat i programimit negativ në trurin tonë. Frika është false, krijohet automatikisht nga mekanizmat mbrojtës të trurit dhe nuk tregon asgjë për realitetin e jashtëm. Është perceptimi ynë mbi realitetin që krijon frikën, jo vetë realiteti.

Nëse do të vëreni me kujdes frikërat tuaja, do të shikoni se shumica prej tyre asnjëherë nuk u bënë realitet dhe pjesa tjetër nuk janë aq të këqija sa menduat se do të ishin në fillim. Mos i besoni mendimet tuaja! Analizojini me kujdes dhe bëjini pyetje vetes në rastet kur ndjeni frikë.

Nëse doni të zhvishni realitetin tuaj nga frikërat e pabaza dhe të pavërteta, ju sugjeroj që t’ia bëni vetes këto katër pyetje në rastet kur jeni të frikësuar dhe të paqartë mbi një situatë të caktuar.

 

  1. A është frika ime e bazuar në fakte reale? Sa i/e sigurtë jam që do të ndodhë pikërisht ajo situatë për të cilën unë frikësohem?
  2. Nëse ndodh pikërisht ajo situatë për të cilën unë kam frikë, a do të jenë pasojat vërtet aq të rënda sa i mendoj unë?
  3. A ka ndonjë anë pozitive fakti që unë po ndjej frikë për një situatë të caktuar? A më shtyn ndjenja e frikës që të marr vendime më të mira?
  4. Çfarë tregon kjo lloj frike për mua si person? (Çdo ndjenjë që përjetojmë tregon se çfarë duam dhe nuk duam në jetën tonë. Frika mund të jetë një burim i madh informacioni për të njohur dhe eksploruar më shumë veten)
  5. Nëse kam frikë për diçka, çfarë duhet të bëj unë për të zgjidhur atë problem për të cilin kam frikë. Mendo disa opsione, zgjidhje dhe do të shikosh që frika do të jetë më pak intensive. Sa më shumë zgjidhje të mendosh dhe veprime të ndërmarrësh, aq më shumë dobësohet ajo.

 

Frika është e pashmangshme në jetët tona. E vetmja mënyrë për shmangien e saj është të ndryshojmë mënyrën e të menduarit mbi situata të ndryshme, jo të shtypim dhe të fshehim frikën. Mënyra e të menduarit mund të ndryshohet duke krijuar zakonin e të analizuarit të situatave menjëherë pasi fillojmë të ndjejmë frikë. Në vend që vetëm të ndjejmë frikë dhe të terrorizojmë veten, le të fillojmë të analizojmë situatën dhe të gjejmë zgjidhjet më optimale për ta zgjidhur atë.

Foto: Google

Powered by Watch Dragon ball super